Zouft Fäldchuchi 39 Wättischwil

Die Zouft mit der originalen Fäldchuchi / Feldküche Modell 1939 (JG 42) und dem originalen Zugfahrzeug
Zouft Fäldchuchi 39 Wättischwil
Direkt zum Seiteninhalt
Miir sind d Zouft mit de eigäne Fäldchuchi.
Wäm miir mit öisem Gschpann uf Iire Fäschtplatz anefaared, händ Sie scho gunne!
Es isch es Armee-Modäll 1939, häd aber de Jaargang 1942. D Chuchi häd natüürli au es eigets Zugfaarzüüg,
nämmli en MH4-Saurer mit em Jaargang 1953 und au dä isch vo de Schwiizer Armee.    
Beidi Gräät sind imäne absoluut originaale Zuestand reschtauriert, vo de Kontrolle abgno worde und händ de Veterane-Iitraag.
Muess es dänn immer Kaviar sii?
Mir choched für Sie en Pilz-Risotto mit em Name «Risotto con Funghi ma non troppo», oder es öises feini Menü «Ratshärre-Gschnätzlets
mit Härdöpfelstock und Rüebli», oder chüschtigi «Älpler-Magrone mit frischem Öpfelmues».
Aber mir sind au immer offe für Iiri eigäte Wünsch. Fröged Sie öis doch eifach emal aa!
De Zouftmeischter Brauni freut sich jetz scho uf Iire Aaruef.  
Mir vermietet nüt und bediened öisi Chuchi sälber.
Dademit händ Sie Gwäär, dass öppis Guets uf de Tisch chunnt und mir sind sicher, dass nüt kabutt gaat!


Im Übrige simmer au die Zouft mit de meischte amtierende Legislatur- und Exekutiv-Mitglieder !


Zouft Fäldchuchi 39 Wättischwil / Webmeischter - Ehren-Zouftmeischter Cheesy Tessarolo & Schriiber Bruno GungGung Küng
XIV - VII - MMXIX
Zurück zum Seiteninhalt